CONTOH TEKS PRANATACARA

Assalamu’alaikum Wr.Wb

Kepala SMK N 1 GODEAN ingkang dahat kinurmatan, Bapak Ibu guru saha katyawan ingkang kinurmatan, lan ingkang kula urmati para tamu undangan wali murid tuwin para kanca kadang ingkang kula tresnani.

Langkung rumiyin sumangga kita sami ngaturaken syukur dhumateng gusti Allah S.W.T. ingkang sampun kasarasan satemah kula lan panjenengan sedaya saged rawuh ing acara perpisahan kelas XII SMK N 1 GODEAN menika.

Para rawuh ingkang kula urmati, kula ingkang jinejer pinangka pranatacara, badhe ngaturaken urut reroncening adicara, inggih menika :

Ingkang sapisan pambuka

Angka kalih tanggap wacana saking kepala SMK N 1 GODEAN

Angka tiga tanggap wacana saking wakil kelas XII

Kaping sekawan tanggap wacana saking wakil kelas X, XI

Kaping gangsal pentas seni

Ingkang pungkasan inggih menika panutup.

Sumangga kita lumebet titi laksana ingkang sepisan inggih menika pambuka, sumangga kanthi waosan basmalah kula dherekaken “Bismillahirohmaanirrohiim”.

Adicara ingkang angka kalih inggih menika tanggap wacana saking kepala SMK N 1 GODEAN, Panjenenganipun Bapak Agus Waluyo kasumanggakaken.

Maturnuwun dhumateng Bapak Agus Waluyo. Adicara salajengipun inggih menika tanggap wacana saking wakil kelas XII, dhumateng sedherek …………………………. Kasumanggakaken.

Maturnuwun dhumateng sedherek……………………….. mekaten wau tanggap wacana saking wakil kelas XII. Adicara saklajengipun tanggap wacana saking wakil kelas X / XI, dhumateng sedherek ………………………………kasumanggakaken.

Mekaten tanggap wacana saking wakil kelas X / XI.  Adicara saklajengipun inggih menika pentas seni, sinambi para rawuh ngunjuk saha dhahar nyamikan, sumangga mirsani kesenian tarian tradisional saking para kanca kelas X lan XI.

Maturnuwun dhumateng para kanca kelas X lan XI. Saklajengipun adicara ingkang pungkasan inggih menika panutup. Sumangga pepanggihan menika lajeng dipun tutup kanthi waosan hamdalah kula dherekaken “Alhamdulillahirrobil’alamin”.

Mekaten anggen kula ndherekaken runtuting adicara menika, kathah lepat kula nyuwun pangapunten.

Wassalamu’alaikum Wr.Wb.

Nah, semoga dengan postinganku ini dapat bermanfaat buat kalian :)